काठमाडौँ, १६ मङ्सिर
गैरसरकारी संस्था महासङ्घको अध्यक्षमा जीताराम लामा निर्वाचित हुनुभएको छ ।
आज यहाँ सम्पन्न महासङ्घको नवौँ केन्द्रीय अधिवेशनले वरिष्ठ उपाध्यक्षद्वयमा ध्रुवप्रसाद देव र सुमित्रा सुवेदी, महासचिवमा रामप्रसाद सुवेदी, कोषाध्यक्षमा विष्णु थकालीसहित ४८ सदस्यीय केन्द्रीय समिति चयन गरेको महासङ्घले जनाएको छ । अधिवेशनमा सातै प्रदेशका ७७ जिल्लाका करीब ९०० प्रतिनिधिले भाग लिएका थिए । (रासस)
