अख्तियार दुरुपयोग अनुसन्धान आगोगको टोलीले गण्डकी प्रदेश स्वास्थ्य निर्देशनालय पोखरा प्रमुख डा तारानाथ पौडेललाई घूससहित पक्राउ गरेको छ । उनी स्वास्थ्य सेवा अन्तर्गत ११ औं तहमा कार्यरत थिए ।
डा. पौडेललाई १ लाख रुपैयाँ घुस लिँदालिँदै रंगेहात पक्राउ गरिएको अख्तियारका प्रवक्ता रामेश्वर दंगालले बताए । उनले जागिर लगाइदिन्छु भनी घूस लिएको अख्तियारले जनाएको छ ।
डा. पौडेल यसअघि स्वास्थ्य सेवा विभागको निमित्त महानिर्देशकसमेत भएका थिए । महानिर्देशक हुनका लागि पनि उनले आर्थिक चलखेल गरेको आरोप लागेको थियो । पछि सर्वाेच्चले पुरानै महानिर्देशकलाई थमौती गरिदिएको थियो ।
– नेपालदूत
