वासिङटन, संयुक्त राज्य अमेरिका, १८ मङ्सिर ः इरानको समर्थन प्राप्त लेबनानी सिया मुसलमानहरूको राजनीतिक तथा अर्धसैनिक संगठन, हेजबुल्लाह समूहको सुरूङ नष्ट गर्ने इजरायली सैनिकको अभियानमा अमेरिकाले पूर्ण सहयोग गर्ने वासिङ्टनले मङ्गलबार बताएको छ ।
अमेरिकी राष्ट्रपति डोनाल्ड ट्रम्पका राष्ट्रिय सुरक्षा सल्लाहाकार जोन बोल्टनले भन्नुभयो, “अमेरिकी सरकार इजरायलको सार्वभौमसत्ताको सुरक्षा प्रयासमा पूर्णरूपमा इजरायलको पक्षमा उभिने छ ।”
अमेरिकाले इरान र यस क्षेत्रमा रहेका उसका सहयोगीहरूलाई मध्यपूर्वलाई तनावमा नलान आग्रह गर्दै बोल्टनले अमेरिका इजरायलको पक्षमा जस्तोसुकै सहयोग गर्न तयार रहने बताउनुभयो ।
बोल्टनले थप्नुभयो, “अझ व्यापक रूपमा भन्दा हामीले इरान र यसका सहयोगीलाई मध्यपूर्वलाई उत्तेजित नवनाउन र इरान सिर्जित हिंसा रोक्न वासिङ्टन आग्रह गर्दछ । इरानी गतिविधिले इजरायली सुरक्षामा खतरा उत्पन्न गरेको र यो अमेरिकाका लागि कदापी स्वीकार्य हुनेछैन ।”
वर्तमान् ट्रम्प प्रशासनले इरानद्वारा मध्यपूर्वमा सुरक्षा बढाएको निष्कर्षका साथ इरानसँग भएको आणविक सम्झौताबाट फिर्ता हुने र तेहरानलाई हिंसात्मक गतिविधि सञ्चालन गर्नबाट रोक्न भन्दै इरानविरुद्ध कठोर आर्थिक नाकाबन्दीको घोषणा गरेको छ । अमेरिकी नाकाबन्दीका कारण इरानी मुद्रा व्यापक रूपमा गिरावट आएको छ ।
(रासस÷एएफपी)
